Aminado si Presidente Ferdinand Marcos Jr. na nakakaeksperyensya nin pagluya an ekonomiya kan nacion.
Nagbagsak kan nakaagi an piso sa pinakamababang kantidad kaini sa kasaysayan, nagbantol an pag-uswag kan ekonomiya sa 4% para sa ikatolong quarter, asin liwat na nagbalik an antas kan pandemya ang stock market.
Sinabi kan Presidente na an pagbaba kan ekonomiya an bako sana kawsa kan mga isyung pulitikal kundi kan manlaen-laeng rason siring kan mga bagyo asin epekto kan climate change, na nagkawsa nin pagkawara nin dakol na aldaw nin trabaho asin operasyon sa manlaen-laeng sektor.
Tinawan-doon man kan Presidente na may lakdang na piggibo an gobierno nganing mabalik an kumpiyansa kan mga mamumuhunan asin mapahigot an pag-uswag kan ekonomiya.
Dugang pa kan Presidente nagtetenir na matatag an gobyerno sa obhetong maibuhat liwat an ekonomiya asin masierto an padagos na pag-uswag kan ekonomiya sa ibong kan mga agyat na pigkahampang kan nacion.
