LEGAZPI CITY – Mas pinahigot pa ngunyan kan mga otoridad an pagbabantay sa mga pier sa bilog na rehiyon katakod kan nagin deklarasyon nin ley martial sa bilog na rehiyon kan Mindanao.
Segun ki PCI Jeric Don Sadia, Chief of Police (COP) kan Matnog PNP, ini an base na man sa kasuguan hali sa national headquartres kun sain kinakaipuhan na mas pahiguton pa an security check sa bilog na Kabikolan kaibanan na an gabos na mga ports.
Pagbuyagyag pa kan opisyal na nagkaigwa na man nin interagency meeting an mga security forces sa laog kan Matnog port kaibanan an Philippine coastguard, Philippine Army, mga security personnel, port police, local government units asin an PNP kun sain naaydentipikaran na man kun sain magkokundusir nin inspeksyon ngani na magin organisado an gabos.
Sa ngunyan an security control desk sa laog kan pantalan an presente suboot sa laog nin 24 oras.
Mientrastanto, pigbabantayan man ngunyan an mga posibleng ilaog na kontrabando hali sa Mindanao siring kan mga bala, badil, asin iligal na droga kun kaya nagpalakop na man nin mga K-9 dogs para sa inspeksyon.
