LEGAZPI CITY — Padagos an preparasyon kan Commission on Elections (COMELEC) sa paparaning Barangay asin SK elections sa Oktubre 23, 2017.
Katakod kaini, inanunsyar man kan Comelec Bicol sa paagi kan Bombo Radyo Legazpi na igwa na nin mga na-print na voter’s ID na pwedesir nang makua sa kanya-kanyang Comelec offices.
Alagad segun ki Atty. Maria Juana Valeza, igwa sindang naresibeng kasuguan gikan sa Comelec central office na pag-hold sa pag-isyu sa iba pang voter’s ID huli sa isasagibong upgrading digdi.
Ipigheras ni Valeza na obheto kaining mapagayon asin magibong permanente an voter’s ID na magigin ATM-designed ngani na urog na magin presentable.
Dugang pa ni Valeza, sa paagi kan bagong disenyo kan nasambitan na ID, dae na ini basta-bastang mararaot.
