Ipigtala sa Setyembre 7 an canonization kan pigkokonsiderang millenial saint na si Carlo Acutis.
Inanunsiyar ni Pope Leo XIV an nasabing canonization ni Acutis kun saen ini an magigin kaenot-enoteng pag-canonize kan Santo Papa sa saiyang pag-tukaw.
Kan Abril 27 kuta ini isasagibo alagad ipigpalihis huli sa pagkagadan ni Pope Francis.
Nagadan si Acutis sa edad na 15 sa Northern Italy kan 2006 huli sa leukemia.
Kan ini an nabubuhay pa an mahilig siya sa hiking, video games asin pagkakaraw sa mga barkada.
Nagturo siya nin katekismo sa mga lokal na parokya asin nagsagibo man nin pagtabang sa mga homeless.
Huli sa saiyang tibay sa computer an nakagibo siya nin online exhibit mapadapit sa labi 100 na eucharistic miracles na binisto kan simbahan nin pirang siglo.
Nagin sarong pilgrimiage site an saiyang lubungan kan 2025 kun saen nakalaag ini sa salming na kabaong asin nakasulot sana siya nin maong na pantalon, sweatshirt asin sneakers.
Makakasabay kaini sa canonization si Italian Catholic, Pier Giorgio Frassati, na nagadan sa edad na 24 makalihis na dapuan nin polio.
