LEGAZPI CITY-Pinaiimbestigaran na ni Senador Robin Padilla an sarong staff niya na nadakop suboot na nagagamit nin marijuana mantang nasa palikuran.
Segun kay Atty. Rudolf Philip Jurado, chief of staff ni Padilla, naghahalat pa sinda kan incident report asin written explanation hale sa Office of the Sergeant-at-Arms (OSAA) mapadapit sa nasabing mpleyado.
Piglinaw man kan opisyal na dai siya pinaapod kan ofisina, kundi nagduman mismo siya ngani kumpirmahon an nasabing insidente asin magkuwa nin mga kopya kan incident report.
Huli ini sa ipigsasagibong imbestigasyon kan saindang ofisina katakod kan nagkakalat na isyu.
Segun kay Sergeant-at-Arms Aplasca, padagos an saindang imbestigasyon asin kung matapos na, magsusumiter sinda nin kopya kay Senate President Chiz Escudero.
Padagos man an isinasagibong random drug test sa mga empleyado asin sa staff kan Senado.
