LEGAZPI CITY—Arestado an sarong indibidwal makalihis an isinagibong buy-bust operation sa Barangay Pawa, Tabaco City.
Segun ki Tabaco City Police Station Deputy Chief of Police Police Captain Ivyn Villanueva, sa intrevista kan Bombo Radyo Legazpi, an suspek sarong 40-anyos, warang agom siring man na dati na suboot ining drug surenderee.
Nakumpiskar digdi an nasa 9.7 grams nin pigtutubudang shabu asin may street value na nasa P65,960.
Dugang kan opisyal na posibleng supplier suboot nin ilegal na droga an suspek sa nasambitang ciudad.
Sa presente, nasa kustodiya kan Tabaco CPS an suspek asin subject for inquest; posibleng mahampang sa kasong pagbalgar sa Republic Act 9165 o Comprehensive Dangerous Drugs Act of 2002.
