Kumpiyansa an Armed Forces of the Philippines na an alokasyon na P3.2 billion para sa pagpapahewas kan Pag-asa airport asin shelter port sa West Philippine Sea an sarong magayon na lakdang ngani na mapakusog pa an external defense.
Segun ki AFP spokesperson Col. Francel Margareth Padilla na an nasabing mga imprastruktura an magpapakusog sa logistical support asin kahandaan sa operasyon kan pwersa kan Pilipinas.
Ini an ngani na padagos na mapangatamanan an national interest.
Paliwanag kan opisyal na an nasabing inisyatiba an malinaw na nagpapahiling kan dae matatawaran na commitment na protehiran an soberanya kan nacion sa paagi kan pagpromotir kan regional stability.
Segun man ki Philippine Navy spokesperson for the West Philippine Sea Rear Adm. Roy Vincent Trinidad na an nasabing mga proyekto an magpapakusog sa military capability sa West Philippine Sea na nakalinyada sa Comprehensive Archipelagic Defense Concept.
Sa irarom kan 2025 budget, nasa kabilugan na P300 million an naka alokar sa irarom kan Department of Transportation para sa konstruksyon kan bagong shelter port sa Pag-asa.
