LEGAZPI CITY—Nai-turn over na kan Department of Agrarian an sarong Farm-to-Market Road (FMR) na may kantidad na haros ₱29.85-milyon sa Barangay Genitligan, Baras, Catanduanes.
Segun ki DAR Central Support Services Office Provincial Agrarian Reform Program Officer II Randy Frogisan, sa intrevista kan Bombo Radyo Legazpi, saindang sienerto na an proyekto an kumpletong nakonstruir basado sa standards asin expectations kan program works.
Oheto kan gobierno na madara sa mga remote area an siring na proyekto urog na sa agrariam reform beneficiaries.
Dugang kaini na nagpromesa man an lokal na gobierno asin mga benepisyaryo kan Baras na aatamanon an nasabing Farm-to-Market Road nganing mapakinabanga pa ini kan mga masunod na henerasyon.
Mientrastanto, mensahe man kaini sa mga natawan nin mga siring na proyekto na atamanon ini huli sa bako gabos na lugar sa Pilipinas an nabiyayaan kan saindang mga nareresibeng tabang.
