Isiniwalat kan saro sa 18 tinaguriang maleta boys na inalok sinda kan P20 million hanggang P25 million para mag-recant o bumaliktad sa saindang mga salaysay na nagdadawit sa pirang opisyal kan gobierno kabale sinda Presidente Ferdinand Marcos Jr. asin dating House Speaker Martin Romualdez sa korapsiyon sa flood control projects.
Ginibo ni George Villanon Jr. ang pahayag makalihis magpirma sa recantation affidavits ang apat sa saindang kaibahan. Pigtuga kan apat na warang katotoohan an saindang orihinal na joint affidavit.
Dae man pinangaranan ni Villanon kung sisay an nag-alok sinda nin dakulang kantidad nin kwarta.
Pinabulaanan man niya na mawot kan iba pa nindang kaiba na bawion an saindang affidavit, asin sinabing nagtitinir ang saindang paninindugan sa katoohan kan saindang mga salaysay.
Naenot na man na itinanggi ni Atty. Levito Baligod ang akusasyon nin apat na maleta boys na pinagkakakitaan niya ang saiyang mga kliyente nganing maggibo ng joint affidavit.
Matatandaang kan Pebrero kan enot na ipakilala ni Baligod ang 18 bilang dating marines, na nagsilbi suboot na bagmen ni dating Rep. Zaldy Co sa pagdadara nin P805 bilyong kickbacks hale sa maanomaliyang flood control projects.
