LEGAZPI CITY – Preparado suboot an Commission on Elections (COMELEC) Bicol sa posibilidad na liwat na maoktaba an pirilian sa barangay asin Sangguniang Kabataan (SK) makalihis na masambit ni Presidente Rodrigo Duterte sa State of the Nation Address (SONA).
Segun ki Bicol Regional Elections Supervisor Atty. Maria Juana Valeza sa ekslusibong intrevista kan Bombo Radyo Legazpi, makakarahay suboot kun mangyayari ini huli ta pighihiling na magkakaigwa nin overlap sa paghahanda sa duwang pirilian sa 2022.
Ipigduon ni Valeza na limang bulan sana an magigin paghahanda sa magkasunod na pirilian kun isasagibo an Presidential elections sa May 2022 mientras na Barangay asin SK elections sa October 2022.
Aram kan opisyal na madidificilan an oficina huli sa milyon-milyong botante suboot an kasabay alagad bukas man kun madagos an duwang election.
Mientras tanto, nakasalalay pa man giraray suboot an magigin desisyon kaini sa pagsasaley sa Kongreso kan nasabing propuesto.
Sa presente, nakasentro suboot an atensyon kan mga ini sa pagbubukas kan voter’s registration sa maabot na Agosto 1 hasta Setyembre 30, 2019.
