LEGAZPI CITY-Inanunsyo kan global pop superstar na si Taylor Swift na ipapaluwas niya an saiyang hit album na ‘The Life of a Showgirl: The Encore’ na igwang apat na bagong kanta.
Ipigbuyagyag ni Taylor na an nasabing album an ipigsagibo makalihis an matrayumpong 12th studio album kun sain haros nasa four million units an naipabakal sa laog sana nin sarong semana kan taong 2025.
Makalihis an milestone na ini, sinabi ni Taylor na nag-travel siya sa Sweden ngani makaiba an producer kan album na si Max Martin asin Shellback ngani iselebrar ini.
An nasabing reunion, an nagin mitsa kan pagrecord kan bagong studio album.
Ipigladawan man niya an bagong mga track bilang replika kan pasasalamat niya asin kan mga collaborator huli sa nakalihis na original album kaini.
Naglalaom man si Taylor na magustuhan ini kan mga fans.
An mga bagong kanta digdi, igwang title na ‘Patient Zero,’ ‘Cleveland!,’ ‘Pink Clouding,’ asin ‘Babylon’, na ipapaluwas sa Biyernes, Setyembre 25.
