LEGAZPI CITY- Nagsunad na an Office of the Solicitor General ngunian na lunes nin quo warranto petition kontra kay suspended Bamban, Tarlac Mayor Alice Guo na pwedesir na magresulta sa dagos ng pagkatanggal kaini gikan sa posisyon sa gobyerno.
Sa petisyong ipigsunad sa Manila Regional Trial Court, mahihiling sa enot na pahina na an nakabugtak na respondent iyo si Guo Hua Ping a.k.a Alice Leal Guo.
Enot ng pigkompirmar kan National Bureau of Investigation na si Guo asin Chinese passport holder na si Guo Hua Ping an may parehong fingerprints na nagpapahiling na sarong tawo lang ini.
Kan nakalihis na enot na parte man kan Hulyo, nagsunad an OSG nin petisyon na kamawotang ikanselar an birth certificate ni Guo.
Enot naman na pigsabi ni SG Menardo Guevarra na sakaling kanselaron ini, mawawaran nin mahalagang depensang kapot an suspendidong opisyal katakod sa saiyang pagkakabisto.
Alagad sa lado man ni Guo, magkapirang beses na man kaining pignigaran an mga alegasyon kontra sa saiya na nagdadawit sa saiya sa pigsalakay na POGO hub sa saiyang banwaan sa Bamban na sangkot sa mga ilegal na operasyon.
