LEGAZPI CITY-Dai nagin ulang para sa South Korean men’s hockey team an salang seremonya antes an laban sa Bangladesh sa Asian Games.
Ini makalihis patutugtugon an North Korea anthem para sa nacion imbes na an pambansang awit na “Aegukga.”
Ikinabigla man ini kan mga player asin opisyales kan South Korea asin napangalas antes an saindang laban sa Group A.
An mga organisador tulos na itinanos an sala, alagad nagkawsa ini nin pagkailang asin tensyon sa venue sa stadium.
Sa ibong kan pambihirang pangyayari, an mga taga South Korea an nagtenir na dominante, sa 5-0 na kapangganahan laban sa Bangladesh.
Kasunod kaini, pormal na nagsangat nin protesta an mga opisyal kan South Korean Olympic Committee ngani maghagad nin opisyal na paliwanag, paghagad nin dispensa, asin konkretong mga lakdang gikan sa komite sa pag-organisar ngani masierto na an siring na sala dai na mauutro sa mga maabot na kompetisyon.
