Inihayag kan bagong designar na Ombudsman na si Jesus Crispin ‘Boying’ Remulla na saiyang bubuksan an isyu mapadapit sa confidential funds ni Vice President Sara Duterte.
Segun kay newly appointed Ombudsman Boying Remulla, pag-aadalan niya ini bilang bagong designar na opisyal kan naunambitang opisina.
Kun kuya hahagilapon o makikipag-koordinar suboot siya sa may mga posisyon dati na may kapot sa nasambitang report o isyung ipigdulok sa ofisina kan Ombudsman.
Magigirumdumang isinumite kan House Committee on Good Governance an committee report kaini sa Ombudsman kontra sa ikaduwang presidente mapadapit sa suboot bako tamang paggamit sa pondo kan Department of Education.
Kun saen inirekumenda nindang makasuhan si Vice President Sara Duterte nin reklamo sa alegasyong technical malversation, perjury, bribery asin plunder katakod sa kontrobersyal na confidential funds kaini.
Nakabase man ini sa saiyang sinabi na laoman suboot kan publiko na siya an magigin ‘transparent’ asin ibubusol pati an ‘accountability’.
Saiyang pigsyerto na sa pagkakadesignar bilang Ombudsman an papanimbagon an mga opisyal kasabay kan nagpapadagos na imbestigasyon mapadapit sa flood control projects anomaly.
Kun kaya laoman suboot sa pagigin Ombudsman ni Remulla an pagigin bukas kan ofisina sa prayoridad kaining makahanap nin kasagutan asin pagpapanimbag sa mga imbwelto sa isyu kan korapsyon.
Si Jesus Crispin ‘Boying’ Remulla an ipigdesignar na bagong Ombudsman bilang kapalit ni Samuel Martires na nagtapos an termino kan Hulyo sa presenteng taon.
Hale sa pitong nominadong aplikante sa shortlist kan Judicial and Bar Council, si Remulla an pinili ni Presidente Ferdinand ‘Bongbong’ Marcos Jr.
Maski may pirang aldaw pa nganing pag-isipan kan presidente kun sisay an idedesignar na panibagong Ombudsman makalihis maisumiter saiya an shortlist kan nakaaging aldaw, si Remulla an saiyang napili para sa nasabing posisyon.
Kun kaya segun ki Ombudsman Boying Remulla na sa Biyernes siya opisyal na lilipat sa panibagong opisina alagad Huwebes pa sana an manunumpa na tulos siya.
Mantang si Justice Undersecretary Fredderick Vida muna an ipigdesignar na officer-in-charge kan Department of Justice.
