LEGAZPI CITY-Ikinaogma kan transport group an pagpapaotob nin rollback sa presyo kan Diesel sa masunod na semana.
Segun kay SORINTRAFED President Ramon Dealca, sa intrevista kan Bombo Radyo Legazpi na ikinaogma ini kan mga driver huli ta maski papano, makakabawas sa gastos asin makakadagdag ini sa saindang ganansya.
Nasa P97 an pinakahalangkaw na presyo kan Diesel ngonian sa probinsya asin nasa P86.60 naman an pinakahababang presyo.
Dagdag pa ni Dealca na kun ibabawas digdi an P8, dai magagabatan sa presyo an mga driver.
Pangapudan ngonian kan mga driver asin operator sa probinsya na maibalik an dating presyo ngani makapag-ipon sinda para sa saindang mga pamilya.
