LEGAZPI CITY-Tulos na nailigtas si US President Donald Trump, First Lady Melinia Trump kaiba an nagkapirang miyembro kan saiyang administrasyon paluwas kan White House Correspondents Association (WHCA) dinner event sa tahaw kan nangyaring pambabadil sa lugar.
Kasunod kaini, nagpaotob nin emergency protocols huli sa tensyon sa venue asin nagresulta nin peligro sa US President asin saiyang mga gabinete.
Mientras tanto, sarong Secret Service an tinamaan alagd nakaligtas huli sa protective gear.
Nasa kustodiya na kan otoridad an suspek asin padagos na pigiimbestigaran an insidente.
Sa saiyang Truth Social post, inomaw ni Trump an marikas na aksyon kan Secret Service asin Law Enforcement.
An insidente, nangyari sa parehong hotel kun sain pigporbaran na gadanon si President Ronald Reagan kan taong 1981.
Ini na an ikatulong beses na nagin target si Trump nin pag-atake kaiba an insidente sa Butler, Pennsylvania rally kan taong 2024.
