LEGAZPI CITY-Kinumpirmar ni Ombudsman Jesus Crispin “Boying” Remulla na inaprobaran na kan Anti-Money Laundering Council (AMLC) an saindang kahagadan para sa freeze order sa mga assets ni dating House Speaker Martin Romualdez.
Dinara na suboot kan AMLC an freeze order sa Court of Appeals.
Enot nang sinabi kan AMLC na nagpaluwas sinda nin freeze order sa sarong mambabatas huli sa koneksyon kaini sa anomalya sa flood control projects.
An freeze order sakop an 25 na bank account kan mambabatas, 10 insurance policies na nakarehistro sa saiyang pangaran, 27 na bank account, 10 insurance policies asin investment account na nasa irarom kan pangaran kan mambabatas.
Kabali man an duwang bank account, pitong property accounts asin real estate property na rehistrado sa irarom kan sarong corporate entity.
