LEGAZPI CITY—Ipigheras kan National Nutrition Council (NNC) Bicol an nagkapirang healthy tips sa pagselebrar kan Valentine’s Day.
Segun ki National Nutrition Council Bicol Nutrition Officer II Merry Chris Buatis, sa intrevista kan Bombo Radyo Legazpi, na dae man kaipuhan na ibitaran an pagselebrar kaini alagad kaipuhan man liwat an magkaigwa nin balanse asin tamang choices sa pagkakan.
Enot na digdi an pagkaon na tsokolate, kun saen mas marhay suboot na itao sa mga mahal sa buhay an mga dark chocolates huli ta halangkaw ini sa anti-oxidants.
Siring man an mga masusustansiyang prutas siring kan strawberries, ubas o mansanas.
Alagad tinawan-doon man kan opisyal na kun masobrahan man sa pagkonsumo nin mahahamis pwedesir ini magkawsa nin Type 2 diabetes kun kaya dapat na magin moderate sana an pagkakan nin mahahamis.
Para man sa may mga komorbididad kaipuhan ninda na magsunod sa abiso kan saindang doktor o dietitian huli ta sinda an mas nakakaaram kan estado kan saindang salud.
Segun pa ki Buatis na pilion an masustansyang treats na ipigtatao, gibuhon na aktibo an ‘date’ sa paagi kan outdoor activities siring kan hiking, biking o swimming, pagluto nin masustansiyang pagkaon, asin an pag-inom nin dakol tubig ngani maibitaran an dehydration.
Mientrasntanto, pig-abisuhan man kan opisyal an mga single na i-treat an saindang mga sadiri, magtao nin oras sa sadiri magin sa saindang kabarkada asin pamilya.
 Bicol shares some healthy tips to celebrate Valentine's Day. NNC Bicol Nutrition Officer II Merry Chris Buatis also emphasizes the importance of having a balanced and healthy diet.){kind=link}