LEGAZPI CITY-Inakusaran ni Israeli Prime Minister Benjamin Netanyahu an mga Arab party na suboot nakinabang sa pandadaya sa eleksyon kan Martes, alagad dae siya nagpaluwas nin ebidensya.
Pignegaran man ini kan mga lider kan Arab party asin inakusaran an punong ministro nin pag-uudyok laban sa mga Arabian.
Susog sa mga opisyal kan elekyon, pig-iimbestigaran na an mga alegasyon nin pandadaya, alagad warang indikasyong sistematikong nakompromiso an integridad kan eleksyon.
Sa haros 93 porsiyento kan mga boto na nabilang na, nangengenot sa puwesto an bloc ni Netanyahu na may 53, kasunod an bloc kan pangenot na karibal niyang si Gadi Eisenkot na may 48. Parehong kulang an duwang kampo sa 61 na puwestong kaipuhan para sa mayorya sa parliament.
Piglalaomang makakua nin record na 19 puwesto an mga partidong kumakatawan sa Arab minority, kaya importante an saindang suporta sa pagbilog nin masunod na gobierno.
Siring man, dae pa pigsasaalang-alang ni Gadi an pagbilog nin gobierno na naglalaom sa suporta kan mga Arab party.
Segun sa mga lider ng Arab party, obheto kan mga pahayag ni Netanyahu na paluyahon an saindang kredibilidad asin pugulan an anumang kooperasyon sa saiyang mga karibal. Itinanggi naman kan Central Election Committee an mga pahayag na sistematikong naraot suboot an integridad kan pirilian.
