LEGAZPI CITY-Opisyal nang isinumiter kan National Bureau of Investigation (NBI) sa Ombudsman an resulta kan imbestigasyon na may kinaaraman sa duwang pinagtutubudang ghost flood control projects sa ikatulong distrito sa Cebu.
Segun kay NBI Director Melvin Matibag, kinumpirma niyan natapos na kan ahensya an mabusising imbestigasyon.
Sinabi niya na sa presente, pigbusisi kan mga piskal an mga nakalap na ebidensya ngani matukop kun bastante an basehan ngani pormal na magsangat nin kasong kriminal sa korte.
Tinawan doon ni Matibag na nasa mga prosecutor na an pagdedesisyon basado sa regulasyon kan reasonable certainty of conviction.
Duwang kaso sa Cebu an natapos nang imbestigaran asin naisangat na sa ofisina kan piskalya para sa kaukulang ebalwasyon.
Marurumduman na enot nang isinapubliko kan NBI an nasabing eskandalo kan Hunyo 30, 2026, kasunod kan pagpopoon kan imbestigasyon kan Disyembre 2025 huli sa mga report kan iregularidad sa Barangay Singsing, Balamban sa Cebu.
Basado sa pagbusisi kan mga eksperto, an contract coordinates kan saro sa mga proyekto, an dai nagtutugma sa aktwal na lokasyon kan anumang istruktura.
