Inanunsyar ni NBA star na si Russel Westbrook an dagos kaining pagreretiro.
Sa saiyang social media account, nag-post ini nin video kun sain binasa pa kan aktor na si Michael B. Jordan an nagkapirang mensahe kan 37-anyos na si Westbrook.
Nagkawat sa NBA si Westbrook sa laog nin 18 NBA season kun sain nakaibanan siya sa pitong koponan.
Makalihis an duwang taon sa college career sa University of California, Los Angeles, napili siya bilang number 14 sa 2008 NBA draft kan Seattle SuperSonics alagad dae ini nagkawat.
Uminabot sa 11 season an pagkakawat niya sa Oklahoma City Thunder na bagong pangaran kan SuperSonics kun sain nakatambal sinda Kevin Durant asin James Harden.
Pinangenotan ninda an Western Conference title kan 2012 alagad nadaog sa Miami Heat kan NBA Finals.
Si Westbrook na nine-time All Star an igwang career average na 20.9 points, 6.9 rebounds asin 8.0 assists kada kawat.
Kapot niya an most career triple-doubles na 209 na nalagpasan an nairehistro ni Robertson.
Si Westbrook man an pang-14 sa NBA career scoring list na may 27,176 points.
