Kalunos-lunos an sinapit kan sarong bados na babae na nadukayang naaagnas na an bangkay sa sarong maawot na parte kan Barangay Dualic, Midsalip, Zamboanga del Sur.
Binisto kan pulisya an biktima na si Erna Andawas, residente kan Lison Valley, Pagadian City.
Basado sa imbestigasyon, huring nahiling si Erna kan Hunyo 13, 2025.
Siyam na aldaw siyang pinaghahanap kan saiyang mga kaanak asin mga barkada bago dagos na nadiskubre an saiyang bangkay.
Sa presente, puspusan an imbestigasyon kan mga awtoridad nganing aramon an tunay na rason kan saiyang pagkagadan asin kun may foul play na nangyari.
Pangapodan kan pamilya asin pulisya, kun siisay man an may impormasyon katakod sa insidente an pig-eenganyar na makipag-koordinar tulos sa mga otoridad nganing makamit an hustisya para kay Erna.
