LEGAZPI CITY-Pangengenotan kan Department of Education (DepEd) an nationwide school safety drill sa maabot na Agosto 25.
An nasabing lakdang kasunod kan pambabadil na nangyari sa laog kan sarong eskwelahan sa Zamboanga City.
Katuyuhan kaini na mapakusog an seguridad asin tulos na maibitaran an ano man na kadahasan sa mga eskwelahan.
Enot na sinabi ni Palace Press Officer Claire Castro na huli sa insidente, mawot nindang i-re-evaluate an sitwasyon kan seguridad asin an presenteng restrictions na pigpapaotob sa mga eskwelahan.
Sinabi pa niya na magpapahiling kun ano pa an kaipuhan na baguhon o idagdag sa presenteng mga lakdang sa seguridad.
Sinabi man kaini na handa sindang magtao nin dagdag na pondo nganing mapakusog an mga operasyon sa seguridad sa mga eskwelahan.
