LEGAZPI CITY – Pigpapa imbestiharan na ngunyan kan mga mga barangay officials kan Barangay Bonot an suspek sa likod kan pagpintura sa mga lapida sa Legazpi Catholic Cemetery.
Huli kaya sa nasabing pagpipintura, dae na nabibisto kun arin an puntod kan saindang mga namaaram na padangat sa buhay.
Segun ki Kapitan Reynaldo Bendicio sa intrevista kan Bombo Radyo Legazpi na dae pa maaraman kun napag-tripan sana an nasabing mga lapida o modus ini ngani na kumita ngunyan na UNdas huli ta siertong magpapalinig an parientes kan mga namaaram na.
Sinabi kan opisyal na sa kahaluyan niya sa nasabing barangay, ini an enot na bes na igwang nangyaring pagkaraw sa mga lapida sa nasabing sementeryo.
Oras na maaraman suboot kun siisay an nasa likod kan insidente, siertong papanimbagon ini.
Mientras tanto, sinabi ni Bendicio na maglalatag na man nin mga barangay tanod sa nasabing sementeryo ngani na dae na mautro an kaparehong insidente.
