LEGAZPI CITY- Naglilibot na an Commission on Elections sa nagkapirang mga lugar para sa roadshows kan mga bagong voting machines.
Ini an ngani na padiit-diit na maipahiling sa mga botante an features kan nasabing mga makina na gagamiton sa 2025 elections.
Segun ki Commission on Elections Spokesperson Atty. John Rex Laudiangco sa intrevista kan Bombo Radyo Legazpi na nag-abot n sa nacion an enot na 100 na mga makina hali sa South Korean firm na MIRU.
Afuera digdi, pinaglalaoman na sa Agosto maabot an enot na 20,000 na vote counting machines kun sain ila-live stream kan ahensya ngani na madalan kan publiko an mga laboratory testing na isasagibo sa mga makina.
Paliwanag kan opisyal na obheto kaini na maipahiling sa mga botante an gabos na proseso na pigigibo bilang paghahanda sa pirilian sa masunod na taon.
