LEGAZPI CITY- Dagos an mga ginigibong lakdang kan Department of Migrant Worker Bicol tangarig maproteheran asin maitao an mga serbisyo para sa mga OFW.
Sa naging statement ni Atty. Jeena P. Paclibar-Laceda, an OIC Regional Director kan Department of Migrant Worker Bicol, obheto kan saindang mga programa na maitao an mga serbisyo sa mga OFW sa Bicol.
Kasabay sa mga serbisyong ini an pagtatao nin Legal assistance, Repatriation Assistance, Conciliation and Mediation of Complains, Verification of License, Verification of available jobs asin kadakol pang iba.
Sa presente sa datos na ipinagpaluwas kan opisina ngunyan na Hulyo 2024, haros maabot na sa 22,915 E-Registration assistance, 13,096 Balik- manggagawa processing , 261 direct- hire processing , 889 Government to Government Hiring Program, asin 57 Monitoring/ supervision of job fair activities.
Tigaasigurar man kan naunambitang ahensya na padagos an saindang pagimprove asin pagtataong serbisyo sa mga Bicolano lalo na para sa mga OFW.
