LEGAZPI CITY—Nagkapirang residentes an naghahagad nin tabang pinansyal huli sa dakulang danyos na sinapar kan saindang harong dara kan landslide sa Brgy. Kimantong, Daraga, Albay.
Segun ki Jerome Alcon, saro sa mga residentes kan nasambit na barangay, sa intrevista kan Bombo Radyo Legazpi, na an saindang harong haros dae na maistaran huli ta nabagsakan ini nin nagrarasay na daga, kun saen duwa man sa mga aki kaini an nagkaigwa nin tama sa parteng siko asin bitis.
Pigtaram kaini na mawot niya na matabangan sinda sa pinansyal na aspeto para makabangon liwat.
Mientrastanto, sa ngunyan nakaebakwar an nagkapirang residentes sa harong kan saindang mga kapamilya.
Magigiromdoman na kan mga nakalihis na aldaw nakapagrehistro nin mga landslide sa nasambit na barangay huli sa warang patod na pag-uuran sa probinsya kan Albay.
