Nangapudan si House Deputy Minority Leader asin Representante kan Mamamayang Liberal Party na si Leila de Lima ki Presidente Ferdinand “Bongbong” Marcos Jr. na gibohong live an gabos nin hearing kan Independent Commission for Infrastructure (ICI) mapadapit sa mga proyektong pang-kontrol sa baha na pigdududahang may anomalya.
Sinabi ni De Lima, dapat magin transparent an gobyerno nganing ipahiling an transparency, asin siertohon na dae itatago kan ICI sa publiko ang mga resulta kan imbestigasyon kaini.
Ipigdoon man ni Representante Mark Anthony Santos kan Las Piñas na karapatan kan publiko na maaraman an bilog na detalye kan imbestigasyon, urog na huli sa bilyun-bilyong pisong pondo kan namamanwaan an dawit digdi.
Segun ki Santos, sa paagi kan live streaming, mahihiling kan mga namamanwaan kun sisay an nagsasabi nin totoo asin maiibitaran an pagtatakop asin pamumulitika.
Dugang pa kan lehislador, an transparency an bako lang promesa, kundi obligasyon, urog na sa hampang kan darakulang alegasyon nin korapsyon.
