LEGAZPI CITY — Kinumpirmar kan mga otoridad na big time supplier kan iligal na droga sa probinsya kan Albay an nagadan na drug courier sa buy bust operation sa Barangay Puro sa ciudad kan Legazpi.
Sa intrevista kan Bombo Radyo Legazpi ki Pol. Supt. Nilo Berdin Jr., hepe kan Legazpi PNP, haloy na nindang pigmaman manan an suspek na si Eduardo Garcia hali sa Las Piñas City na nagpapabalik-balik sa Albay ngani na mag-deliver nin iligal na droga.
Segun digdi, ini an supplier kan ipinagbabawal na bulong sa banwaan kan Daraga asin syudad kan Legazpi.
Napag-araman na duwang beses na pinaputukan kan suspek an mga otoridad kan pig-aarestar ini kaya napiritan an mga kapulisan na magbalos na nagresulta sa pagkagadan ni Garcia.
Narekober man sa suspek an duwang bulto kan pinagtutubudan na shabu, P20,000 asin mga resibo kan remittance kaini sa naipabakal na droga asin sarong kalibre 45 na badil.
Mientras tanto, padagos man an pangapudan kan opisyal na ipundo na an mga iligal na aktibidad huli ta malalaag sana sa peligro an buhan kan mga ini kun padagos na makikipagmatagasan sa gobierno.
