LEGAZPI CITY- Takdag sa kamot kan mga otoridad an sarong suspek sa kasong murder sa Purok 6 Brgy. Canaway Malilipot, Albay.
Nakakulong na ngunyan an suspek na si Alvin Mercado, 21-anyos na residente kan Purok 7 Brgy Bongabong, syudad kan Tabaco.
Inarestar ini kan Malilipot Municipal Police Station sa bisa kan mandamiento de aresto na gikan ki Hon. Judge Mamerto Buban Jr. kan Branch 18, Tabaco City.
Dae nin nakakabit na pyansa an kasong murder kun kaya pwedesir na masentensyahan nin reclusion perpetua si Mercado o habambuhay na pagkakapreso.
