LEGAZPI CITY — Pabugso-bugsong mga pag-uran asin mga thunderstorm activity an pighihiling na rason na siyang nakapag-trigger sa Mt. Bulusan sa Sorsogon tangarig na makapagrehistro nin panibagong phreatic eruption bandang alas-10:29 kagabi na nagdurar nin 12 minutos.
Sa intrevista kan Bombo Radyo Legazpi ki Philippine Institute of Volcanology and Seismology resident volcanologist Ed Laguerta, hinale kaini an pagkahandal kan publiko sa nasabing pagsabog na inapod na ‘mild phreatic.’
Dugang pa ni Laguerta na dara sana kan hydrothermal processes sa irarom kan bulkan an pagputok alagad wara man na naobserbaran na magma asin anas lumang volcanic materials sana an ibinuga.
Sinukol naman ngonian na aldaw an sulfur dioxide emisson kan Bulusan tangarig na mahiling kun igwang pagbabago sa aktibidad kaini magin sa posibilidad kan makusog na pagputok mientras na nakatalaan man na isairarom sa evaluation o assessment kan Phivolcs an bulkan sa mga masunod na aldaw tangarig na maobserbaran an consistency kaini.
