LEGAZPI CITY- Naglansar nin duwang mini mobile library an sarong grupo ngani na matabangan an mga kaakian sa pagbabasa.
Napag-araman na an nasabing programa an pigpapangenotan kan mga Sangguniang Kabataan Officials kan Barangay Dapdap sa ciudad kan Legazpi.
Segun ki Kiwanis Clun of Daragang Magayon proponent and chairman Ruby Oroña sa intrevista kan Bombo Radyo Legazpi na obheto kan programa na matawan nin access an mga kaakian para sa reading materials.
Napili suboot an Sawangan Park huli ta saro ining leisure place para sa mga kaakian.
Napag-araman na an nasabing programa an hali sa inisyatiba ka mga miyembro kan Girl Scouts sa tabang kan barangay council, na naga-operate tuyong weekend.
Segun ki Oroña na an mga libro an hali sa mga donasyon kan nagkapirang grupo asin an iba an hali sa Albay provincial library.
Target man kan grupo na maipagpadagos an kaparehong programa sa iba pang mga barangay kan ciudad sa masunod na mga bulan.
