Legazpi City- Nagpapasalamat an sarong miyembro kan NNew People’s Army an salbadong naidara sa hospital makalihis na malugadan sa anging enkwentro sa probinsya kan Masbate.
Sa intrevista kan Bombo Radyo Legazpi kay MAJ Frank Roldan, Spokesperson, 9th Infantry Division (9ID) Philippine Army, sarong miyembo kan New People’s Army (NPA), an nalugadan sa enkwentro na nagnyari sa Barangay Cancahorao, Baleno, Masbate. Winalat suboot ining si alyas ” Leon” kan saiyang mga kaibanan asin naghalat nin duwang aldaw na naglalaom na babalikan pa kan saiyang mga pag-iriba alagad nawaran na nin paglaom huli sa pirang aldaw na paghahalat asin padiit diit na nawawaran dugo huli sa sinapar kaini na tama nin badil sa saiyang balikat asin hita.
Segun pa sa opisyal na nadukayan an NPA na nanluluya na kaya tulos na inaksyunan an sitwasyon kan persona. Mantang nagpapasalamat man magin an mga magurang kaini huli sa pagsalbar sa naunambitang NPA member.
Sa presente nakatalaan nang mabalik loob sa gobyerno si Alyas ‘ Leon’. huli na man sa nareyalisar kaini na bako totoo an mga promesa kan kilusan.
Sa ngunyan padagos pa na ining nagpaparahay sa hospital. Ipinagpromesa man kan LGU maging kan mga kasuldaduhan an mga interbinsyon asin na ginibo para sa dagos nang pagbabagong buhay kaini harayo sa kariribukan sa bulod.
