LEGAZPI CITY- Magkokundusir nin misa sa Daraga church asin Daraga cemetery ngani na ipagpangadyi an kalag kan mga namaaram na sa kinaban.
Segun ki Daraga Cemetery Secretary Kenneth Gruta sa intrevista kan Bombo Radyo Legazpi na sabay na ikokundusir an misa sa simbahan asin sa sementeryo atyan na alas-5:30 nin hapon.
Pinaglalaoman na dadagsaon ini nin mga namamanwaan na mabisita sa saindang namaaram na padangat sa buhay.
Huli digdi, naghagad na nin asisensya sa mga kapulisan ngani na mamantenir an paz y orden hasta sa pagtatapos kan Undas.
Nagpagirumdom man si Gruta na ibitaran na an pagdadara nin arak asin matarom na bagay ngani na maibitaran an dae pinaglalaoman na mga insidente.
Nangapudan man ini na an mga basura an itapok sa tamang laagan ngani na dae na magkalat sa mga semeteryo.
