LEGAZPI CITY—Naka-eksperyensya nin minimal na pagbabaha an nagkapirang lugar sa provincia kan Sorsogon huli sa mga pag-uurang epekto kan nakaaging bagyong Tino.
Segun ki Sorsogon Provincial Disaster Risk Reduction and Management Office Head Engr. Raden Dimaano, sa intrevista kan Bombo Radyo Legazpi, an nasabing pagbaha an tulos man na naghupa an tubig makalihis an pirang oras.
Nakaebakwar man suboot an mga residentes na nakaistar sa mga flood-prone areas sa nasabing lugar.
Dugang ni Dimaano na wara man sindang nairehistrong danyos durante kan nasambitang mga pag-uuran.
Mientrastanto, huli sa panibagong pigbabantayang tropical depression sa luwas kan Philippine Area of Responsibility an pig-abisuhan man kaini an namamanwaan na magin mapagmatyag asin mag-monitor mapadapit sa kamugtakan kan panahon.
