LEGAZP CITY-Nagpoon na an Department of Social Welfare and Development (DSWD) na magtao nin asistensya, partikularmente na an mga pagkakan, sa mga pasaherong na-stranded sa manlaen-laen na port sa nacion huli sa raot nin panahon na kawsa kan Bagyong Verbena.
Segon ki DSWD Assistant Secretary Irene Dumlao, kabale sa mga enot na nakaresibe nin tabang iyo an 94 na stranded na pasahero sa Dalahican Port, na namumugtak sa ciudad kan Lucena, sa banwaan kan Quezon.
Katakod kaini, nakaabot man an tabang kan ahensya sa maabot sa 100 na Locally Stranded Individuals (LSIs) na temporaryong nasa Bacolod Real Estate Development Corporation Port, sa Bacolod City, Negros Occidental.
Nakapagtao na man nin mga asistensya sa 39 stranded individuals na nasa pantalan kan Surigao City.
Katuyuhan kan inisyatiba na ini na masimbagan an tulos na pangangaipo kan mga indibidwal na temporaryong dai nakakabiyahe huli sa maraot na panahon.
