LEGAZPI CITY – Pigmamandato ngunyan na magkaigwa nin konsultasyon asin approval hali sa Sangguniang Panlalawigan an gabos na preparasyon kan mga proyekto kan manlaen laen na ahensya katakod na man kan provincial ordinance na ipinasar kan nakalihis na taon .
Basado sa Resolution No. 355-2016 na sinurat ninda PBMs Rafael Zuniega asin Vincent Villaluna, an ordinansa an nagsusugo na magkaigwa nin parepareho na guidelines sa gabos na local government units asin national agencies bilang ahensya na nagpapaotob kan mga programa asin development projects sa Catanduanes katakod kan Republic Act 7160.
Sakop kan konultasyon asin pag-uyon kan SP an national agencies na kun sain an mga programa, imprastraktura, o development funds an hali sa Presidential Social Fund (PSF) o an regular na pondo na nakatagama sa construction, rehabilitation o maintenance kan mga tinampo, tulay, eskwelahan, irrigation canals, river control system, seawalls, pangkabuhayan asin programang pang-agrikultura sa probinsya kan Catanduanes.
An nasambitan na ordinansa an nagin epektibo makalihis na maaprubaran ni Governor Joseph Cua.
An mga kopya kaini an pinakarahay kan gabos na ahensya kan gobyerno sa probinsya asin rehiyon.
