Naghihiro na an gobyerno ngani na mailipat sa mas salbadong lugar an mga Filipino seaman na sakay kan MV Tutor na binomba asin inatake kan drone kan Houthi rebels sa Red Sea asin Gulf of Aiden kan Hunyo 12.
Sa sarong video message ni Presidente Ferdinand Marcos Jr., sinabi kaining nakikipagkoordinar na an gobierno sa United Kingdom Trade Operations asin naghahanap nin paagi ngani na mdara sa Djibouti sa Africa an 21 Filipino seamen para sa saindang seguridad.
Inireport kan Department of Migrant Workers na sarong Pinoy an nawawara sa nangyaring pag-atake kan mga rebelde makalihis na matamaan nin missile an sarong parte kan engine room kan barko asin nilaog nin tubig.
Sinabi kan Presidente na hali sa Djibouti an nagigibo na an gobierno nin mga paagi ngani na makauli na an mga Pinoy seamen.
Basado sa report na nakua kan ahensya, nasa kadagatan pa an binombang barko asin sinierto na salbado an mga Pinoy seamen na lunad kaini afuera sa sarong naireport na nawawara suboot.
