LEGAZPI CITY- Inihayag kan Filipino Community sa Toronto, Canada na labi an saindang pagiging proud ki Pinay tennis sensation Alex Eala, sa ibong kan pagtatapos kan kampanya kaini sa Canadian Open.
Segun ki Bombo International News Correspondent Jake Quenano, dae matatawaran an honra na dara kaini para sa nacion.
Pag-istorya kaini na memorable an nasabing torneyo urog pang ini an enot na pagkakataon na nagkawat si Eala sa Canada.
Dae suboot pinaglaoman kan mga organizers an matinding suporta kan mga Pilipino, na nagresulta sa pirmihan na pagigin sold out kan ticket sa mga laban kan Pinay tennis star.
Dagdag pa ni Quenano na bilang mga Pilipino, padagos sindang magsusuporta ki Eala asin masunod na aantabayanan an kampanya kaini sa Cincinnati Open sa Estados Unidos sa masunod na mga aldaw.
