Pigpapa-ingat kan Department of Trade and Industry (DTI) an publiko urog na an mga nagbabakal sa online, laban sa mga manloloko o scammer na aktibo ngunyan na panahon kan “ber months.”
Nagpagiromdom an ahensya huli sa kalimitang nagdadakol an mga transaksyon online kada paparani an Pasko, kaya oportunidad ini para sa mga mapagsamantala.
Tinawan-duon kan DTI na importante na maging alisto asin mapanuri an mga nagbabakal sa online ngaing maibitaran an mabiktima kan mga scam.
Susog sa DTI, dapat maging pamilyar an sarong customer sa mga “red flag” o mga senyales na posibleng scam an sarong online seller bago pa man magdesisyon na mag-add-to-cart asin i-check out an saindang mga babakalon.
Kaiba sa mga red flag o indikasyon na posibleng scam an kung warang malinaw na presyo asin detalyadong description sa produkto.
Siring man kun sobrang baba an presyo kan sarong produkto na maikonsiderar na “too good to be true.”
Saro sa mga senyales na posibleng scam ang online seller, kun wara ining DTI o Bureau of Internal Revenue o Securities and Exchange Commission registration o maski ano mang impormasyon kan official store kaini.
An sarong lehitimong negosyo an dapat rehistrado sa mga magkakanigong ahensya kan gobyerno.
