Nagsunad an Bureau of Internal Revenue (BIR) nin kasong tax evasion laban kina dating Presidential Spokesperson Harry Roque, agom niya na si Mylah Reyes Roque, asin saindang associate na si Percival Sazon Ortega katakod kan saindang holding company.
An kaso na isinunad sa Department of Justice kan Lunes, an may kinaaraman sa Biancham Holdings and Trading, Inc.
Basado sa imbestigasyon kan ahensya, nagpalyar suboot an tulo na magsumiter kan kinakaipuhang tax returns asin magbayad nin buwis katakod kan transfer of shares kan stocks asin paghalangkaw kan authorized capital stock.
Pigkarkulong labi P3.35 milyon ang kabilogang tax deficiency, kabale an surcharges asin interes, segun sa ahensya.
Nakahiling suboot an BIR nin bastanteng basehan nganing sunadan nin kaso an mag-agom na Roque asin si Ortega nin willful attempt to evade taxes sa irarom kan Section 254, asin failure to file tax returns sa irarom kan Section 255 kan National Internal Revenue Code of 1997.
An hatol sa irarom kan Section 254 an may multang puon P500,000 hasta P10 milyon asin pagkakakulong nin anom hasta 10 taon, mantang an pagbalgar sa Section 255 ann pwedesir man na magresulta sa kadugangang multa asin sagkod 10 taong pagkakakulong.
