Liwat na pinalawig kan Bureau of Internal Revenue (BIR) hasta Agosto 18, 2026 an huring aldaw kan pagsusunad asin pagbabayad nin buwis sa mga lugar na naapektaran kan Habagat.
Kaibanan man sa extension an mga tax payers na nadifisilan na magsumiter huli sa mga teknikal na problema sa offline package kan eBIRForms.
Segun ki BIR Commissioner Charlito Martin Mendoza, obheto kaini na tawan nin dugang na panahon an mga namamanwaan ngani na makasunod sa saindang mandato na warang ipigpapataw na multa o penalty.
Sakop kan bagong Revenue Memorandum Circular (RMC) No. 95-2026 an mga obligasyon na nakatalaan kuta kan Agosto 10 hasta 16, siring kan withholding tax asin income tax returns.
Nagluwas man nin direktiba an BIR sa mga Authorized Agent Banks (AABs) ngani na magresibe nin bayad asin aplikasyon na warang dugang na singil hasta sa nasabing petsa.
Siring man, nilinaw kan ahensya na bako kaibanan sa extension an mga taxpayer na nagagamit nin Electronic Filing and Payment System (eFPS) na bako man apektado kan Habagat.
