Legazpi City– Dae na pig-ngangalasan kan mga nagkapirang Overseas Filipino Workers (OFW) an mga insidente kan mga pambobomba kan Israel sa Lebanon.
Segun kay Catalina Lompago,an BINC sa Lebanon sa intrevista kan Bombo Radyo Legazpi na “sound of music” o normal na sana suboot para sa sainda asin mga taga-Lebanon an mga pambobomba.
Pigtaram pa kaini na may pigpipili suboot an mga Israel Forces na saindang papatamaan kan saindang air-strike alagad may mga pagkakataon suboot na nadadamay an ibang lugar sa lebanon nin huli man sa kusog suboot kan impact kan mga bomba.
Pignigaran man kaini an mga nagkapirang pahayag kan mga na-repatriate na OFW na dawa sain suboot pigbabagsak an mga bomba nin huli ta may piling lugar an mga taga Israel na saindang papatamaan.
Segun pa kay Lompago na pig-aabisuhan man suboot kan mga Israel Forces an mga publiko sa Lebanon partikular na sa mga lugar na saindang pigbabagsakan nin mga missile.
Pigdugang pa kaini na dae man sinda nahahdit nin huli ta dae man ini pigpapabayaan kan Philippine Embassy sa Lebanon.
Pangapudan kaini sa saiyang pamilya sa pilipinas na dae maghadit nin huli ta iyu suboot ini an mga normal na aldaw sa lebanon asin magtubod sana an publiko sa abiso kan embassy nin huli ta duman nagtataram an mga kapwa kaining OFW kan saindang mga kamugtakan.
