Tutukaron sa sunod na semana an mga kontrobersiyal na pangarang ipigdadawit suboot sa maanomalyang paggamit ni Vice President Sara Duterte sa saiyang confidential at intelligence funds (CIF).
Kabale digdi an Mary Grace Piattos, Milky Sikuya, asin iba pang mga pangaran na enot na naglutang kan pig-imbestigaran kan House Committee on Public Accountability and Good Government an intel fund kan bise presidente.
Segun ki House Prosecutor Terry Ridon, gabos kan mga pangaran na suboot nagsirbing recipient o nakatanggap nin intel fund an posibleng maglutang liwat sa pagdiskotir sa nasabing pondo na nakapaloob sa Article I kan Articles of Impeachment.
An pagpresenta kaini an mahigot na pinaghahandaan kan panel, kaiba na an mga ebidensyang nagsusuporta sa nasabing alegasyon.
Plano kan panel na ilahad an mga report kan Philippine Stastistics Authority (PSA), na aniya’y magpapatunay kun may umiiral na mga record para sa mga nasabing pangaran.
Kun babalikan, enot nang sinertipikahan kan PSA na ang mga kontrobersiyal na pangaran an wara sa database kaini, asin wara man na mga birth records na sumusuporta sa posibleng kapangakian kan mga ini.
Enot nang naglataw an mga nasabing pangaran sa mga acknowledgment receipt na ginamit bilang suporta sa liquidation kan confidential funds kan OVP asin DepEd sa irarom kan pamamayo ni VP Sara.
