Inihayag ni Ombudsman Jesus Crispin ‘Boying’ Remulla na madali nang maisunad an kasong plunder kontra ki dating House Speaker Martin Romualdez.
Alagad aminado ini na igwa pang mga kinakaipuhan na tapuson antes pormal na maisakatuparan an planong pagsusunad nin kaso.
Makalihis kayang isairarom sa ‘fact finding’ laog na an nasabing kaso sa ‘preliminary investigation’ kan Ombudsman susog sa prosesong nakalaag sa ley.
Obheto suboot kaini na masierto an diretsos kan mga indibidwal na ma-aakusaran sa kasong pig-iimbestigaran.
Ini an katakod man liwat sa kasong pag-imbwelto ki dating Speaker Romualdez sa maanomalyang flood control projects kan gobierno.
Itinuro kaya siya na saro sa mga nasa likod kan suboot korapsyon sa flood control kaya kaibanan sa mga pinaglalaoman na masusunadan nin kaso.
