Inihayag kan education minister kan Lebanon na rinaot kan Israeli military an tulong mga eskwelahan sa southern Lebanon.
Segun ki Education and Higher Education Minister Rima Karami na hinabunan suboot an nasabing mga eskwelahan antes na pinasabog.
Sinabi kan opisyal na an nasabing mga eskwelahan an nakadugang sa halawig na listahan kan mga educational institutions na nadistroso huli sa kariribukan.
An labanan sa Lebanon an naglala kan Marso makalihis an nagkapirang bulan na cross-border exchanges sa pagultangan kan Israel asin Hezbolla kasunod kan pagpupuon kan Gaza genocide kan Oktubre 2023.
Segun sa United Nations Educational, Scientific and Cultural Organization (UNESCO) na nasa 17 mga eskwelahan na sa Lebanon an naraot asin labi sa 100 an nadanyaran.
Huli digdi, labi sa 500,000 Lebanese na mga joven an dae nakakapag klase huli sa kariribukan.
