Pinawi kan Deparment of Trade and Industry (DTI) ang pagkahandal kan publiko mapapit kan posibleng paghiro kan presyo kan mga barakalon.
Ini an sa tahaw kan piglalaomang paglangkaw kan presyo kan langis ngunyan na semana huli kan panibagong tensiyon sa pagultangan kan US asin Iran.
Segun ki DTI Secretary Cristina Roque, warang magigin paglangkaw sa presyo kan basic commodities asin prime commodities sa presente.
Warang mga petisyon hale sa manufacturers para sa price adjustments.
Inihayag man ni Roque na difisil na mag-especulate sa ngunyan kaya mas maray na halaton na sana an magign development mapadapit digdi.
Magigiromdomang kan enot na nagsiklab an labanan sa pagultangan kan Iran asin Amerika, nagresulta ini sa pagsikad kan mga presyo nin langis kasunod kan mga pag-atake asin closure sa Strait of Hormuz na kritikal na agihan kan mga barkong nagdadara nin langis. Namatean an epekto kaini sa mga pigbabiyaheng produkto rason kaya pigkakahaditan an pagsikad kan presyo kan mga barakalon sa panibagong tensyon sa Middle East.
