LEGAZPI CITY – Maabot sa 500 na kapulisan sa provincia kian Albay an nagpapa-otob nin pazy orden asin sa mga evacuation sites asin border controls sa laog kan 6KM permanent danger zone kan Bulkang Mayon na presenteng nasa alert level 3.
Segun ki Albay Police Provincial Office Provincial Director Police Colonel Noel Nuñez sa intrevista kan Bombo Radyo Legazpi na uminabot na sa 133 an mga kapulisan na nagsasagibo nin 24/7 border control sa Camalig, Sto. Domingo, Daraga, Tabaco City, Malilipot, Ligao, asin Legazpi City.
Afuera suboot sa naunambitang numero an may nakadeploy man na mga kapulisan sa 11 evacuation centers sa enterong provincia na uminabot na sa 187 na pigbabalehan kan mga babaeng police personnel nganing magtaong asistensya sa mga pangangaipuhan kan mga kababaihan.
Pagsyerto niya man na an saindang mga personahes an nagsasagibo nin shifting nganing mamantenir man an saindang maray na kamugtakan asin salud sa pagtataong seguridad sa provincia.
Pigtaram pa kan opisyal na dae man ninda pighahale an posibilidad na magdugang nin nakabantay na mga kapulisan urog na kun maglala pa an sitwasyon kan Bulkang Mayon.
Sa kagayunan suboot, gabos na mga residenteng naka-istar sa laog kann 6KM permanent danger zone kan Bulkan an nagsusunod sa saindang abiso asin patanid siring man an katuninongan sa mga evacuation centers.
