LEGAZPI CITY—Pig-monitor man ngonian kan mga otoridad kan Legazpi City an mga kadagatan partikularmente sa Legazpi City Boulevard huli sa piglalaomang dakol na malangoy digding mga bisita makalihis an pag-obserbar kan Undas.
Segun ki City Disaster Risk Reduction and Management Office Legazpi Head Engr. Ladee Azur, sa intrevista kan Bombo Radyo Legazpi, katabang ninda sa pag-monitor an personahes kan Bureau of Fire Protection Legazpi, Public Safety Office, Philippine Army, Philippine Coast Guard, Philippine Navy, asin iba pang ahensya nganing maasigurar an kaligtasan kan publiko.
Mientrastanto, may mga naka-standby man suboot na mga ambulansya sa mga pampublikong kamposanto sa ciudad.
Nagpatanid man si Azur sa publiko na siertohong secure an harong en kaso na maghali nganing maibitaran an ano mang insidente nin panghahabon, siring man na i-obserbar an safety precautions urog na sa paglangoy nganing maibitaran man an insidente nin pagkalamos.
En kaso man suboot na may namamati sa hawak an dae na magpirit na magpasiring sa kamposanto asin ibitaran an pagdara nin mga aki urog na an mga omboy para man sa saindang kaligtasan.
