LEGAZPI CITY- Tulos na nagkondusir nin Rapid Damage Assessment and Needs Analysis an Monreal Fire Station kaibanan an Municipal Disaster Risk Reduction and Management Office ngani na mahiling kun igwang nagin danyos kasunod kan Magnitude 5 na linog sa Masbate.
Segun ki Masbate Chief Inspector Fire Officer 2 Darwin Castillo sa intrevista kan Bombo Radyo Legazpi na igwang nahiling na minor asin major na mga crack partikular sa Monreal Central School asin sa Don Benito Maristela High School sa banwaan kan Monreal.
An nasabing mga cracks an kawsa pa suboot kan nakalihis na mga linog asin pinalala sana kan pagyugo kan nakalihis na aldaw.
Tulos man na nagpadara nin report an municipal engineer sa Department of Interior and Local Government ngani na maaraman an dapat na magin mga lakdang sa duwang eskwelahan.
Napag-araman kaya na paramientras na sinuspinder an klase sa nasabing mga eskwelahan ngani na makapagpadagos sa ipigsasagibong assessment asin inspeksyon.
